Алматыда тағы бір заңсыз салынған нысан бұзылды
Сот шешімін орындау мақсатында меншік иесі нысанды өз күшімен бұзған.
Алматыда тағы бір заңсыз тұрғызылған құрылыс жойылды, деп хабарлайды қаланың Қала құрылысын бақылау басқармасы.
Жоспардан тыс тексеріс кезінде Абылай хан даңғылы, 64 мекенжайындағы тұрғын емес ғимаратқа қосымша салынған құрылыс бөлігі заңсыз тұрғызылғаны анықталды.
Тексеріс нәтижесінде нысан иесіне қатысты әкімшілік шаралар қолданылып, іс материалдары Алматы қаласының әкімшілік құқық бұзушылықтар жөніндегі мамандандырылған ауданаралық сотына жолданған.
Соттың 2025 жылғы 3 маусымдағы шешімімен меншік иесі әкімшілік жауапкершілікке тартылып, айыппұл салынды және заңсыз салынған құрылысты мәжбүрлі түрде бұзу міндеттелді.
Басқарманың мәліметінше, сот шешімін орындау мақсатында меншік иесі нысанды өз күшімен бұзған.