Алматыда өз бетінше салынған құрылыс нысандары бұзылды
Кейінгі екі жылда Алматыда заңсыз салынған 74 нысан сүрілді.
Алматыда өз бетінше салынған көпқабатты ғимараттар бұзылды. Бұл туралы қала әкімінің баспасөз қызметі хабрлайды.
Нұр-Алатау шағын ауданында заңсыз салынған үш қабатты екі ғимарат бұзылды. Жоспардан тыс жүргізілген тексерістен кейін меншік иелері әкімшілік жауапкершілікке тартылып, сот ғимараттарды бұзу туралы шешім шығарды.
«Алғашында бұзу жұмыстары ерікті түрде басталғанымен, кейін оның толық орындалмағаны анықталды. Қазір сот орындаушыларының қатысуымен мәжбүрлі түрде бұзылып жатыр. Кейінгі екі жылда Алматыда заңсыз салынған 74 нысан бұзылды. Олар: ұрғын үй кешендері, сауда орындары және өз бетінше тұрғызылған басқа да құрылымдар толық немесе жартылай бұзылды», – делінген хабарламада.