Алматы биыл 800 экологиялық автобус сатып алады
Жоба бойынша келісімшарт 2025 жылғы 20 мамырға дейін жасалып, жүйе 2026 жылғы тамызға дейін іске қосылады.
Қалада тиімді көлік қозғалысын басқару мақсатында Алматы әкімдігі мен Қытайдың Inspur мемлекеттік компаниясы 2025 жылғы сәуірде Алматының Зияткерлік көлік жүйесі (ITS) тұжырымдамасын әзірледі.
Бұл туралы қала әкімінің 2025 жылғы 1-30 сәуір аралығындағы президентке берген есебінде айтылған.
«Жоба бойынша келісімшарт 2025 жылғы 20 мамырға дейін жасалып, жүйе 2026 жылғы тамызға дейін іске қосылады. Сонымен қатар 2025 жылдың соңына дейін қалалық қоғамдық көлікті 100% экологиялы ету көзделген. Биыл 29 сәуірде 600 газбен жүретін және 200 электр автобусты сатып алуға байқау жарияланды. Жеке тасымалдаушылар өз тарапынан 800 газбен жүретін және 118 электр автобусты сатып алуды жоспарлап отыр. Электр көлігі инфрақұрылымын дамыту мақсатында 2025 жылы ақпаннан бастап 6алты инвесторға 233 электр зарядтау станциясын орнатуға техникалық шарттар берілді», – делінген хабарламада.
Сонымен қатар «жасыл» облигациялар есебінен 100 электробус сатып алып, 10 троллейбус қосалқы станциясын жаңғыртуға құжаттар дайындалды.
Источник: informburo.kz