2026 жылы LRT желісі ресми іске қосылады – Астана әкімі
Қала әкімінің айтуынша, қазірдің өзінде елордаға алғашқы екі LRT пойызы жеткізілген.
2026 жылғы бірінші тоқсанда LRT ресми іске қосылады. Бұл туралы Астана қаласының әкімі Жеңіс Қасымбек айтты.
«Жалпы, жаздың соңына дейін пойыздардың бәрі қалаға жеткізіледі. Құрылыс жұмыстары толығымен аяқталады және күздің басында пилоттық режимде іске қосу және жөндеу жұмыстарын бастаймыз. Үштен алты айға дейін уақыт керек. Біздің жоспарымыз бойынша келесі жылдың 1-тоқсанында бұл көлік ресми түрде жұмысын бастайды», – деді Жеңіс Қасымбек.