Алматыда халықаралық форумға байланысты жолдардың бір бөлігі жабылады

31 қаңтар мен 1 ақпан аралығында халықаралық форум өтеді.

Алматы қалалық полиция департаментінің баспасөз қызметі қала тұрғындары мен қонақтарына маңызды үндеу жасады.

Оған сәйкес, 2025 жылғы 30-31 қаңтарда халықаралық шара кезінде қалада көлік қозғалысы жартылай шектеледі. Келесі учаскелер бойынша көлік қозғалысына түзетулер енгізілуі мүмкін:

• Майлин көшесі,
• Құлжа тасжолы,
• Бұқтырма көшесі,
• ШААЖ,
• Әл-Фараби даңғылы,
• Сейфуллин даңғылы,
• Достық даңғылы,
• Жароков көшесі.

«Алматы полициясы азаматтарды уақытша шараларға түсіністікпен қарауға және кептелістерді болдырмау үшін бағыттарын алдын ала реттеуге шақырады», – делінген хабарламада.

Айта кетейік, 31 қаңтар мен 1 ақпан аралығында «Атакент» қазақстандық іскерлік ынтымақтастық орталығында Digital Almaty 2025 халықаралық форумы өтеді.

Источник: informburo.kz