Алматыда 17 сәуірде көшпенді халықтар мәдениетіне арналған көрме ашылады

Көрме кейін Ташкент қаласында жалғасын табады.

17 сәуірде Алматыда «Ancient Futures: мұраны, қолөнерді және экологияны зерттеу» көрмесі ашылады. Ол 15 мамырдан бастап Ташкент қаласында жалғасады, деп хабарлады Egin ArtSpace.

Көрмеге Қазақстаннан бөлек, Өзбекстан, Ұлыбритания, Испания, Германия және Словения суретшілерінің туындылары қойылады. 

«Көрме жобалары көшпелі мәдениеттердің экологиялық бейтарап тәжірибесін, сондай-ақ дәстүрлі әдістерді жетілдіретін технологияларды көрсетеді. Кезінде көшпелі Орталық Азияның елдері үшін өте маңызды болып табылатын көшпелілік философиясы табиғатпен үйлесімді қарым-қатынас орнатуға негізделген, онда адамдардың қажеттіліктері жаңартылатын табиғи ресурстар арқылы қанағаттандырылады. Ғылыми жаңалықтар өз кезегінде көшпелілердің өздерін сумен, тамақпен, жылы киіммен, ыдыс-аяқпен және баспанамен қамтамасыз ету тәжірибесінің тиімділігін арттырады», – делінген хабарламада. 

Көрменің негізгі жобаларының қатарында Дана Молжігіттің 3D принтерінде басып шығарған керамикалық панельдері бар. Олар тайызданған Арал теңізінің суын тазарту үшін балдырларды өсіреді. Сондай-ақ, Алтын Мұстафина, Әлия Болатхан, Мадина Жолдыбек және Шекер Шәкірдің құрт зерттеулері қойылады. Бұл ашытылған сүт өнімі биоматериалға айналып, медицина, сәулет және экодизайн қажеттіліктері үшін пайдаланылуы мүмкін. 

Олардан бөлек, келесі жобалар бар:

• Диляра Қайыпованың абраз маталарды қайта мән беруі: олар жазғы күн күйіп тұрған қалаларда салқындық аралдарын жасау үшін қолданылады. 
•  bioMATTERS студиясы және Дана Молжігіт пен Хана Цвелбардың авторларының мицелийді пайдалануы: мицелий мен сазды пайдалана отырып, авторлар тұрмыстық және интерьер заттарын жасау үшін қолданылатын материалдарды қайта қарастырады. 
• Сәуле Сүлейменованың биопластигі: Суретші сәулет пен дизайнда пластиктің экологиялық таза түрін қалай қолдануға болатынын көрсетеді. 
• Хана Цвелбар мен Әсел Есжанованың Loops жобасы: Киіз басу мен кесте тігудің ежелгі өнерін пайдалана отырып, авторлар климаттың өзгеруіне әкелген саяси және экономикалық оқиғаларға сыни көзқарасты ұсынады. 

Алматыдағы көрме Нұрмақов көшесі, 79 мекенжайы бойынша Egin Art Space кеңістігінде өтеді және 1 мамырға дейін жалғасады. 15 мамырда Ancient Futures көрмесі Ташкентте ашылады. 

Ancient Futures Қазақстандағы British Council, inDrive, Испанияның Бас консулдығы және Қазақстандағы Гете институтының қолдауымен ұйымдастырылған. 

Источник: informburo.kz